മൈഗ്രേൻ വെറുമൊരു തലവേദനയല്ല  ശരീരത്തിനെ മൊത്തത്തിൽ ബാധിക്കുന്നതും,  തലവേദനയും ഓക്കാനം , ഛർദി , പ്രകാശത്തോടുള്ള സൂക്ഷ്മസംവേദക്ഷമത തുടങ്ങിയ ലക്ഷണങ്ങൾ കാണിച്ചേക്കാവുന്നതുമായ സങ്കീർണമായ ഒരു ന്യൂറോളജിക്കൽ അവസ്ഥയാണത് .ഏതു കൊലകൊമ്പനേയും മുട്ടുകുത്തിക്കാൻ ശക്തിയുള്ള മൈഗ്രേൻ കൊടിഞ്ഞി എന്നും ചെന്നിക്കുത്ത് എന്നും അറിയപ്പെടുന്നു.

മൈഗ്രേനിനെ തലവേദനയുടെ ഗണത്തിൽ ​പെടുത്താം.എന്നാൽ എല്ലാ തലവേദനകളും മൈഗ്രേനല്ല. മൈഗ്രേനിനെ തലവേദനയെന്ന്​ തള്ളി കളയാനും സാധിക്കില്ല. മൈഗ്രേൻ വന്നാൽ എന്തുചെയ്യണമെന്നറിയാതെ വേദന സംഹാരികളും മറ്റും കഴിച്ച്​ ദിവസം തള്ളി നീക്കുന്നവരുണ്ട്​. അത്തരക്കാർക്ക് വീട്ടിൽ നിന്ന്​ ചെയ്യാൻ സാധിക്കുന്ന ചില പൊടികൈകളാണ് പറയാൻ പോകുന്നത്. 

ഫ്രഷായ മുന്തിരി വെള്ളത്തിൽ ചേർത്ത്​ ജ്യൂസുണ്ടാക്കി ദിവസം രണ്ടു നേരം കുടിക്കുക. ധാരാളം നാരംശമുള്ള ഈ ജ്യൂസിൽ വിറ്റാമിൻ എ, സി എന്നിവയും ആവശ്യത്തിന്​ കാർബോഹൈ​ഡ്രേറ്റും അടങ്ങിയിട്ടുണ്ട്​. ഇത്​ ​മൈഗ്രേനിന്റെ വേദനക്ക്​ ശമനം നൽകും. ഇഞ്ചി ചതച്ച വെള്ളം, ഇഞ്ചി ചതച്ച്​ ​ചേർത്ത നാരങ്ങാ ജ്യൂസ്​, ഇഞ്ചി അരച്ച്​ കഴിക്കുകയോ ചെയ്യുന്നതും നല്ലതാണ്. 

കറുവ​പ്പട്ട പൊടിച്ച്​  വെള്ളത്തിൽ ചാലിച്ച്​ നെറ്റിക്കിരുവശവും പുരട്ടുകയും 30 മിനുട്ടിനു ശേഷം ചുടുവെളളം ഉപയോഗിച്ച്​ കഴുകിക്കളയുകയും ചെയ്യുമ്പോൾ  ഇത്​ വേദനക്ക്​ നല്ല ആശ്വാസം നൽകും. മൈഗ്രേനുള്ള സമയത്ത്​ കൂടുതൽ വെളിച്ചമുള്ള ഇടങ്ങൾ ഒഴിവാക്കുന്നത് നല്ലതായിരിക്കും.  വെളിച്ചത്തിൽ ഇരിക്കുന്നത്​ വേദന വർധിക്കുന്നതിനിടയാക്കും