നയതന്ത്രബാഗ് വഴിയുള്ള സ്വർണക്കടത്തു കേസിൽ സ്വപ്‌ന സുരേഷ് മുഖ്യകണ്ണിയെന്ന് നിശ്ചയിക്കപ്പെടുകയും, കള്ളക്കടത്തിന് രാജ്യദ്രോഹ പ്രവർത്തനങ്ങളുമായി ബന്ധമുണ്ടെന്ന റിപ്പോർട്ടുകളെ തുടർന്ന് കേസ് എൻ.ഐ.എ ഏറ്റെടുക്കുകയും ചെയ്തതോടെ കാര്യങ്ങൾ 'വെടിയും പുകയും' പോലെ വേഗത്തിലായി. കേസ് ഫയൽ തുറന്ന് ഇരുപത്തിനാലു മണിക്കൂർ തികയും മുൻപ് സ്വപ്‌നയെയും കൂട്ടാളി സന്ദീപ് നായരെയും ബാംഗ്‌ളൂരിൽ നിന്ന് വലയിലാക്കുക കൂടി ചെയ്തതോടെ അന്വേഷണം ഹൈസ്പീഡിലാവുകയും ചെയ്തു. രണ്ടു ചോദ്യങ്ങളാണ് ബാക്കി- ഇനിയെന്ത്, ഇനി ആര്?

തലസ്ഥാനത്തെ യു.എ.ഇ കോൺസുലേറ്റിന്റെ മറവിൽ തിരുവനന്തപുരം അന്താരാഷ്ട്ര വിമാനത്താവളത്തിലെത്തിയ ഡിപ്‌ളോമാറ്റിക് ബാഗിലുണ്ടായിരുന്നത് 15 കിലോ സ്വർണമാണെന്നാണ് കണക്ക്. ഏകദേശ മതിപ്പുവില 30 കോടി രൂപ. കേരളം കൂടി കേന്ദ്രമാക്കിയുള്ള അന്താരാഷ്ട്ര കള്ളക്കടത്തു മാഫിയയുടെ കണക്കിൽ ഈ 30 കോടിക്ക് നമ്മുടെ 300 രൂപയുടെ വലിപ്പം പോലുമുണ്ടാകില്ല!കാരണം, പ്രതിവർഷം കേരളത്തിന്റെ കൈകളിലൂടെ ആരുമറിയാതെ വിറ്റഴിക്കപ്പെടുന്ന വിദേശസ്വർണത്തിന് ശതകോടികളുടെ മൂല്യമുണ്ട്!ഈ സ്വർണം എത്തുന്നതാകട്ടെ, ആരും പ്രതീക്ഷിക്കാത്