അറ്റ് റിസ്‌ക് എന്നു വിലയിരുത്തിയിട്ടുള്ള രാജ്യങ്ങളിൽനിന്നു വന്ന മൂന്നു പേർ സംസ്ഥാനത്ത് കോവിഡ് പോസിറ്റിവ് ആയെന്ന് ആരോഗ്യമന്ത്രി വീണാ ജോർജ്. നാലു പേരുടെ ഫലം കാത്തിരിക്കുകയാണെന്നും അവർ പറഞ്ഞു. ഒമൈക്രോൺ ഭീഷണിയുള്ള രാജ്യങ്ങളിൽനിന്നു വന്നവർ പോസിറ്റിവ് ആയാൽ ജീനോം സീക്വൻസിങ് നടത്തണം.  അത് അനുസരിച്ച് മൂന്നു പേരുടെയും സാംപിളുകൾ പരിശോധനയ്ക്ക് അയച്ചിരിക്കുകയാണ്. അതേസമയം ഡിഎംഒമാർക്ക് വാർത്താ വിലക്ക് ഏർപ്പെടുത്തിയെന്ന വാർത്ത അടിസ്ഥാന രഹിതമെന്നും മന്ത്രി പറഞ്ഞു. അട്ടപ്പാടിയിൽ നടത്തിയ മിന്നൽ സന്ദർശനവുമായി ബന്ധപ്പെട്ട് നോഡൽ ഓഫിസർ നടത്തിയ പരാമർശങ്ങൾക്കു മറുപടി പറയാനില്ല. ആശുപത്രികളിലെ മിന്നൽ സന്ദർശനം തുടരുമെന്നും മന്ത്രി പറഞ്ഞു.