കുട്ടികളിൽ ഉടൻ കൊവിഡ് പ്രതിരോധ വാക്‌സിൻ പരീക്ഷണം നടത്തുമെന്ന് ഭാരത് ബയോടെക്. 2 മുതൽ 18 വയസു വരെ പ്രായമുള്ളവരിൽ പരീക്ഷണം നടത്തുമെന്നാണ് കമ്പനി അറിയിച്ചിരിക്കുന്നത്. ഫെബ്രുവരി അവസാനത്തോടെ കൊവാക്‌സിൻ പരീക്ഷണം തുടങ്ങും. ഇതിനായുള്ള കേന്ദ്ര സർക്കാർ അനുമതി ലഭിച്ചതായും ഭാരത് ബയോടെക് അറിയിച്ചു.

കഴിഞ്ഞ ദിവസം കേന്ദ്രസർക്കാർ, സംസ്ഥാനങ്ങളോട് വാക്‌സിൻ വിതരണം വേഗത്തിലാക്കണം എന്ന് നിർദ്ദേശം നൽകിയിരുന്നു. കാരണം, പല സംസ്ഥാനങ്ങളിലും രജിസ്റ്റർ ചെയ്തവരിൽ 50 ശതമാനം പേർ മാത്രമേ വാക്‌സിൻ സ്വീകരിക്കാൻ എത്തുന്നുള്ളു. ആരോഗ്യപ്രവർത്തകർക്കും മുന്നണിപ്പോരാളികൾക്കും നൽകിയ ശേഷം 50 വയസ്സിന് മുകളിലുള്ളവർക്ക് നല്കാനാണ് കേന്ദ്രസർക്കാർ തീരുമാനിച്ചിരിക്കുന്നത്.