രാജ്യത്ത് പ്രദിതിന കൊവിഡ് ബാധയിൽ വർധനവ്. കഴിഞ്ഞ 24 മണിക്കൂറിനിടെ 45,000ത്തിലേറെ കൊവിഡ് കേസുകളാണ് രാജ്യത്ത് റിപ്പോർട്ട് ചെയ്തത്. ഇതോടെ രാജ്യത്തെ കൊവിഡ് കേസുകൾ 90 ലക്ഷം കടന്നു.  നിലവിൽ ആശങ്ക ഉയർത്തുന്നത് കേരളത്തിലെയും ഡൽഹിയിലെയും പ്രതിദിന കേസുകളാണ്. മഹാരാഷ്ട്രയിലും കഴിഞ്ഞദിവസം രോബാധയിൽ നേരിയ വർധനവ് ഉണ്ടായി. കേന്ദ്ര ആരോഗ്യമന്ത്രാലയം പുറത്തുവിട്ടിരിക്കുന്ന കണക്ക് അനുസരിച്ച് കഴിഞ്ഞ 24 മണിക്കൂറിനിടെ 45,882 കേസുകളാണ് റിപ്പോർട്ട് ചെയ്തിരിക്കുന്നത്. 4,43,794 ആക്ടീവ് കേസുകളാണ് നിലവിൽ രാജ്യത്തുള്ളത്. 84,28,410 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 44,807 പേരാണ് രോഗം ഭേദമായി ആശുപത്രി വിട്ടത്.