ജെസിഐ കിഴിശ്ശേരിയുടെ  നേതൃത്വത്തിൽ മലപ്പുറം ജില്ലയിലെ വിവിധ കോളേജുകളിലെ വിദ്യാർത്ഥികൾക്ക് ദിശാബോധം നൽകാനായി നടപ്പിലാക്കുന്ന ഫ്യൂച്ചർ വിദ്യാർത്ഥി ശാക്തീകരണ മോട്ടിവേഷൻ ട്രെയിനിങ് പ്രോഗ്രാം കൊണ്ടോട്ടി ഇ എം ഇ എ കോളേജിൽ തുടക്കം കുറിച്ചു. കോളേജിലെ നാഷണൽ സർവീസ് സ്കീമുമായി സഹകരിച്ച് ആയിരുന്നു പരിപാടി.  ടി.വി ഇബ്രാഹിം എംഎൽഎ ഉദ്ഘാടനം ചെയ്തു. ഹിസ്റ്ററി വിഭാഗം തലവൻ ഫിറോസ് കെ ടി അധ്യക്ഷത വഹിച്ചു. പ്രോഗ്രാം ഓഫീസർ മുഹമ്മദ് ഷാഫി സ്വാഗതം പറഞ്ഞു.ജെസിഐ സോൺ ഓഫീസർ ജെ എഫ് എം സലാം കിഴിശ്ശേരി, സോൺ ട്രെയിനർ റഹൂഫ് പുത്തലൻ എന്നിവർ ബോധവൽക്കരണ ക്ലാസിന് നേതൃത്വം നൽകി.