തൃശൂർ ജില്ലയിലെ വലപ്പാട് കുഞ്ഞുണ്ണി മാഷിന്റെ വീടിന്റെ സമീപം നിർമ്മിച്ച സ്മാരകം മുഖ്യമന്ത്രി പിണറായി വിജയൻ നാടിന് സമർപ്പിച്ചു  അപകർഷതാ ബോധത്തിൽനിന്ന് മലയാളി സമൂഹത്തെ മോചിപ്പിക്കാനുള്ള വലിയ പോരാട്ടത്തിന്റെ നായകസ്ഥാനത്താണ് കുഞ്ഞുണ്ണി മാഷ് നിലക്കൊണ്ടത്. ആ സമരത്തിനുള്ള ഇന്ധനമാണ് കവിതകളിലൂടെ അദ്ദേഹം പകർന്നത് എന്ന് മുഖ്യമന്ത്രി അഭിപ്രായപ്പെട്ടു 

ബജറ്റ് വിഹിതമായ 25 ലക്ഷം രൂപയും വലപ്പാട് ഗ്രാമപഞ്ചായത്തിന്റെ തനതുഫണ്ടിൽനിന്ന് നൽകിയ 13 ലക്ഷവും ഗീത ഗോപി എം.എൽ.എയുടെ പ്രത്യേക വികസന നിധിയിൽനിന്നുള്ള നാല് ലക്ഷവും വിനിയോഗിച്ചാണ് സ്മാരകം നിർമ്മിച്ചത്.