സർവകലാശാല യൂണിയൻ സമാപന ചടങ്ങ്  തിരുവനന്തപുരത്തെ ഏക സർക്കാർ വനിതാ കലാലയമായ ഹിസ് ഹൈനസ് മഹാരാജാസ് ഗവൺമെന്റ് കോളേജ് ഫോർ വിമൻസിൽ നടന്നു. പ്രശസ്ത സിനിമാ സംവിധായകനും കേരള സംസ്ഥാന ചലച്ചിത്ര അക്കാദമി ചെയർമാനുമായ കമൽ ഉദ്ഘാടന കർമ്മം നിർവഹിച്ചു. പുതുമുഖ നായകൻ ചന്തു നാഥ് മുഖ്യാതിഥിയായിരുന്നു . യുവജന കമ്മീഷൻ ചെയർപേഴ്സൺ ചിന്ത ജെറോം മുഖ്യപ്രഭാഷണം നടത്തി. തുടർന്ന് സർവ്വകലാശാല യൂണിയൻ കഴിഞ്ഞ കാലയളവിൽ നടത്തിയ പരിപാടികളുടെ അനുബന്ധമായ പ്രസിദ്ധീകരണങ്ങൾ  മുരുകൻ കാട്ടാക്കട  പ്രകാശിപ്പിച്ചു. സമാപന ചടങ്ങിന് ശേഷം വയലിനിസ്റ് ബാലു പ്രസാദിന്റ വയലിൻ മേളയും സംഘടിപ്പിച്ചിരുന്നു.