രാജ്യത്ത് ലോക്ക്ഡൗൺ പ്രഖ്യാപിച്ചതിനെ തുടർന്ന് മാർച്ചിൽ പെട്രോൾ, ഡീസൽ വില്പനയിൽ വൻ ഇടിവ്. കഴിഞ്ഞ വർഷത്തെ അപേക്ഷിച്ച് ഈ മാർച്ചിൽ പെട്രോൾ വിൽപനയിൽ 17 ശതമാനവും ഡീസൽ 26 ശതമാനവുമാണ് ചില്ലറവിൽപനയിൽ കുറവുണ്ടായിട്ടുള്ളത്. പൊതുമേഖല എണ്ണ കമ്പനികളായ ഇന്ത്യൻ ഓയിൽ, ഹിന്ദുസ്ഥാൻ പെട്രോളിയം, ഭാരത് പെട്രോളിയം എന്നിവരുടെ ചില്ലറ വിൽപന അടിസ്ഥാനമാക്കിയാണ് ഈ കണക്ക്. 

അതേസമയം വിമാനങ്ങളടക്കം സർവീസ് നിർത്തിവെച്ചതോടെ മാർച്ച് മാസത്തിലെ വിമാന ഇന്ധന വിൽപനയിൽ 33 ശതമാനത്തിന്റെ ഇടിവാണ് വന്നിരിക്കുന്നത്. മാർച്ചിൽ 4,50,000 ടണ്ണാണ് വിമാന ഇന്ധനം വിറ്റത്. അതേ സമയം പാചകവാതക വിൽപന മുൻവർഷത്തേക്കാൾ 1.7 ശതമാനം ഉയർന്ന് 2.3 ദശലക്ഷം ടണ്ണായിട്ടുണ്ട്.