ന്യൂ ഡൽഹി : കൊറോണ വൈറസ് രാജ്യമെങ്ങും പടരുന്ന സാഹചര്യത്തിൽ കോഴിയിറച്ചി വിപണിയിൽ വൻ ഇടിവ്. പക്ഷി മൃഗാദികളിൽ നിന്നും വൈറസ് ബാധ മനുഷ്യരിലേക്ക് പടരാൻ കാരണമാകുന്നു എന്ന പ്രചാരണത്തിൽ വലഞ്ഞിരിക്കുകയാണ് കോഴി വിപണി. വിലയിൽ 70% ശതമാനം വരെയും വിൽപനയിൽ 50% വരെയും ഇടിവുണ്ടായി എന്നാണ് ഗോദ്റേജ്‌ അഗ്രോവേറ്റ് മാനേജിങ് ഡയറക്ടർ ബി.എസ്. യാദവ് പറയുന്നത്.

എന്നാൽ നിലവിലെ സ്ഥിതി മാറി ആവിശ്യം കൂടുമ്പോൾ കോഴിയിറച്ചിക്ക് വിലക്കയറ്റവും ക്ഷാമവും ഉണ്ടാകാൻ സാധ്യത ഏറെയാണെന്നും അദ്ദേഹം വ്യക്തമാക്കി.