റോയല്‍ എന്‍ഫീല്‍ഡിന്റെ തണ്ടര്‍ബേഡ് ബൈക്ക് പുതിയ ഡിസൈനില്‍ തിളങ്ങാന്‍ ഒരുങ്ങുന്നു. ഇതോടെ തണ്ടര്‍ബേഡിന്റെ പുതിയ ചിത്രങ്ങള്‍ പുറത്തുവിട്ടിട്ടുണ്ട്. പുതിയ തണ്ടര്‍ബേഡ് 400 സിസിയായിരിക്കുമെന്നാണ് സൂചന. നിലവിലുള്ള 350 സിസിക്കും 500 സിസിക്കും പകരക്കാരനാകും ഈ എന്‍ജിനെന്നാണ് ലഭിക്കുന്ന സൂചന. വാഹനത്തിന്റെ പിന്‍ഭാഗത്താണ് മാറ്റം കൊണ്ടുവരുന്നത്. വളരെ പുതുമ തോന്നിക്കുന്ന ടെയിൽ ലാമ്പാണ്‌  പുതിയ തണ്ടര്‍ബേഡില്‍ സ്ഥാനം പിടിച്ചിരിക്കുന്നത്. വൃത്താകൃതിയിലുള്ളതും വലിപ്പം കുറഞ്ഞതുമായ ലൈറ്റ് കാഴ്ചയില്‍ ജാവയുമായി വിദൂരസാമ്യം തോന്നുന്നുണ്ട്. മാത്രമല്ല സീറ്റുകളിലും പ്രകടമായ മാറ്റം വരുത്തിയിട്ടുണ്ട്.