പൊതുമേഖലാ സ്ഥാപനമായ കേരള ഓട്ടോമൊബൈല്‍സ് ലിമിറ്റഡ് നെയ്യാറ്റിന്‍കരയിലെ പ്ലാന്റില്‍ നിര്‍മിച്ച കേരളത്തിന്റെ സ്വന്തം 'ഇലക്ട്രിക് ഓട്ടോ' (ഇ-ഓട്ടോ) 'നീം-ജി'യുടെ സര്‍വീസ് സ്പീക്കര്‍ പി. ശ്രീരാമകൃഷ്ണന്‍ ഫ്ളാഗ് ഓഫ് ചെയ്തു. എംഎല്‍എ ക്വാര്‍ട്ടേഴ്സില്‍നിന്ന് നിയമസഭയിലേക്കായിരുന്നു കേരളത്തിന്റെ ഇ-ഓട്ടോയുടെ ആദ്യ യാത്ര. വ്യവസായ മന്ത്രി ഇ.പി ജയരാജന്‍, ഗതാഗത മന്ത്രി എ.കെ. ശശീന്ദ്രന്‍, സ്പീക്കര്‍ പി.ശ്രീരാമകൃഷ്ണന്‍ എന്നിവര്‍ ആദ്യയാത്രക്കാരായി.