ആൻഡ്രോയിഡ്​ ഓപ്പറേറ്റിങ്​ സിസ്​റ്റത്തിൽ ഗുരുതര പിഴവ്​ കണ്ടെത്തി ഗൂഗിൾ. ഹാക്കർമാർക്ക്​ ഫോണുകളിൽ പൂർണമായും കടന്നു കയറാൻ കഴിയുന്ന തരത്തിലുള്ള പിഴവാണ്​ ഉണ്ടായിരിക്കുന്നത്​. 11സ്​മാർട്ട്​ഫോണുകളിൽ പ്രശ്​നമുണ്ടായെന്നാണ്​ കണ്ടെത്തൽ.

ഗൂഗിൾ പിക്​സൽ, വാവേയ്​, ഷവോമി, ഒപ്പോ, മോ​ട്ടറോള, എൽ.ജി, സാംസങ്​ തുടങ്ങിയ കമ്പനികളുടെ ഫോണുകളിലാണ്​ പിഴവ്​ കണ്ടെത്തിയത്​. സെക്യൂരിറ്റി​ പാച്ച്​ അപ്​ഡേറ്റ്​ നൽകി  പിഴവ്​ പരിഹരിക്കുമെന്നാണ്​   ഗൂഗിൾ അറിയിച്ചിരിക്കുന്നത്​. പിഴവ്​ മൂലം ആപ്പുകളിലൂടെയോ ക്രോം ബ്രൗസറിലൂടെയോ ഫോണിലേക്ക്​ കടന്നു കയറാൻ ഹാക്കർമാർക്ക്​ സാധിക്കുമെന്നാണ്​ സൈബർ വിദഗ്​ധരുടെ മുന്നറിയിപ്പ്​.

സുരക്ഷാ പിഴവുണ്ടായ ഫോണുകൾ

●പിക്​സൽ 2-ആൻഡ്രോയിഡ്​ പൈ, ആൻഡ്രോയിഡ് 10​ പ്രിവ്യു വേർഷൻ

●വാവേയ്​ p20

●ഷവോമി റെഡ്​മി 5A

●ഷവോമി റെഡ്​മി നോട്ട്​ 5

●ഷവോമി എം.ഐ എ1

●ഒപ്പോ എ3

●മോ​ട്ടോ സെഡ്​ 3

●ഒറിയോ എൽ.ജി ഫോൺ

●സാംസങ്​ ഗാലക്​സി എസ്​ 7

●സാംസങ്​ ഗാലക്​സി എസ്​ 8