പെട്രോൾ, ഡീസൽ വില വർധനവ് ഇന്നും തുടർന്നു. 24 പൈസ പെട്രോളിനും, 29 പൈസ ഡീസലിനും ഇന്ന് കൂട്ടി. ഇതോടെ പെട്രോൾ ലിറ്ററിന് 92 രൂപ 68 പൈസയും ഡീസൽ വില 87 രൂപ 71 പൈസയുമാണ് ഇന്ന് കൊച്ചിയിലെ വില. തിരഞ്ഞെടുപ്പ് കാലത്ത് വർധിക്കാതിരുന്ന വില വർധനവാണ് തെരഞ്ഞെടുപ്പിന് ശേഷം വർധിപ്പിക്കുന്നത്. തുടർച്ചയായ ഒൻപതാം ദിവസമാണ് ഈ മാസത്തിൽ ഇന്നും ഇന്ധന വില കൂടുന്നത്. രാജ്യത്ത് ദിനംതോറും പെട്രോളിന്റെയും ഡീസലിന്റെയും വില കൂടാൻ കാരണം അന്താരാഷ്ട്ര മാർക്കറ്റിൽ ക്രൂഡ് ഓയിൽ വില വർധിക്കുന്നതിനാൽ ആണെന്നാണ് കേന്ദ്രസർക്കാരിന്റെ പറയുന്നത്.