സംസ്ഥാനത്തെ ഉള്ളി വില നിയന്ത്രിക്കാൻ സർക്കാർ ഇടപെടുന്നു. സപ്ലൈകോ വഴി 35 രൂപ നിരക്കിൽ ഉള്ളി വിൽക്കും. ഇതിനു വേണ്ടി മറ്റന്നാൾ 50 ടൺ ഉള്ളി നാസിക്കിൽ നിന്ന് എത്തിക്കും. 

ഇതിനിടെ രാജ്യമെമ്പാടും ഉള്ളി വില കുതിച്ചുയരുകയാണ്. ഉള്ളി വില ഉയരുന്ന പശ്ചാത്തലത്തിലാണ്  സംസ്ഥാന ഭക്ഷ്യ സുരക്ഷാ വകുപ്പ് നാസിക്കിൽ നിന്ന് ഉള്ളി നേരിട്ടെത്തിച്ച് വിതരണം ചെയ്യാൻ തീരുമാനിച്ചത്. രാജ്യത്തിൻറെ പല ഭാഗത്തും ഉള്ളി വില 80 കടന്നതായി റിപ്പോർട് ഉണ്ട്. കുതിച്ചു ഉയരുന്ന  വില നിയന്ത്രിക്കാൻ കേന്ദ്ര വാണിജ്യ വ്യവസായ മന്ത്രാലയം നേരത്തെ ഉള്ളിക്കയറ്റുമതി നിരോധിച്ച് ഉത്തരവിറക്കിയിരുന്നു. ഉത്തരേന്ത്യയിൽ ഇപ്പോഴും പെയ്യുന്ന മഴയും ഉള്ളിയുടെ ലഭ്യതയെ പ്രതികൂലമായി ബാധിക്കുന്നുണ്ട്