സംസ്ഥാനത്ത് സ്വർണവില കുറഞ്ഞു. 160 രൂപ കുറഞ്ഞ് ഒരു പവൻ സ്വർണത്തിൻറെ വില 33,360 രൂപയായി. 20 രൂപ കുറഞ്ഞ് ഒരു ഗ്രാം സ്വർണത്തിൻറെ വില 4170 രൂപയായി. ഏതാനും ആഴ്ചകളായി സ്വർണവില ചാഞ്ചാട്ടത്തിലാണ്.

കഴിഞ്ഞ ദിവസം 240 രൂപയുടെ കുറവാണുണ്ടായത്. തുടർന്ന് ശനിയാഴ്ച 160 രൂപ കൂടിയ സ്വർണവില ഇന്ന് വെള്ളിയാഴ്ചത്തെ വിലയിലേക്ക് തിരിച്ചെത്തുകയായിരുന്നു. രാജ്യാന്തര വിപണിയിലെ മാറ്റങ്ങളാണ് സ്വർണ വിലയിൽ പ്രതിഫലിക്കുന്നത്.