മികച്ച വിലക്കിഴിവും വമ്പൻ ഓഫറുകളുമായി ഇ-കോമേഴ്സ് ഭീമൻ ആമസോണിന്റെ ഫാബ് ഫോൺ ഫെസ്റ്റ് തിങ്കളാഴ്ച ആരംഭിച്ചു. ഈ മാസം 25 വരെ നീണ്ടു നിൽക്കുന്ന ആമസോൺ ഫാബ് ഫോൺ ഫെസ്റ്റിൽ ഐസിഐസിഐ ബാങ്ക് ക്രെഡിറ്റ് കാർഡ്, ഇഎംഐ ട്രാൻസാക്ഷനുകൾക്ക് 10 ശതമാനം സേവിങ്‌സ് പ്രഖ്യാപിച്ചിട്ടുണ്ട്. ഇത് കൂടാതെ നോ കോസ്റ്റ് ഇഎംഐ ഓപ്ഷനും എക്‌സ്‌ചേഞ്ച് ഓഫറുകളും ആമസോൺ ഫെസ്റ്റിന്റെ ഭാഗമായി ഒരുക്കിയിട്ടുണ്ട്. റെഡ്മി 9A, റെഡ്മി 9 പ്രൈം, വൺപ്ലസ് 8T, സാംസങ് ഗാലക്‌സി M21 എന്നിങ്ങനെ വിവിധ സ്മാർട്ട്‌ഫോണുകൾക്കാണ് ആമസോൺ ഫാബ് ഫോൺ ഫെസ്റ്റിൽ ഓഫറുകൾ പ്രഖ്യാപിച്ചിരിക്കുന്നത്.

വൺപ്ലസ് 8T-യ്ക്ക് 2,500 രൂപയുടെ ഡിസ്‌കൗണ്ട് ആണ് ആമസോൺ ഫാബ് ഫോൺ ഫെസ്റ്റിൽ ഒരുക്കിയിരിക്കുന്നത്. വിലക്കുറവിൽ ഫോൺ നേടാൻ കമ്പനി ഒരു കൂപ്പൺ കോഡ് പുറത്തിറക്കിയിട്ടുണ്ട്. ചെക്ക്ഔട്ട് സമയത്ത് വിലവിവരങ്ങൾക്ക് താഴെയുള്ള കൂപ്പൺ ഓപ്ഷനിൽ നിന്നും ഇത് തിരഞ്ഞെടുക്കാം. കൂപ്പൺ ഡിസ്‌കൗണ്ട് ചേരുമ്പോൾ വൺപ്ലസ് 8Tയുടെ 8 ജിബി റാം + 128 ജിബി സ്റ്റോറേജ് ഓപ്ഷന് 40,499 രൂപയും, 12 ജിബി റാം + 256 ജിബി സ്റ്റോറേജ് മോഡലിന് 43,499 രൂപയായും വില കുറയും.
സമാനമായി വൺപ്ലസ് 8 പ്രോയ്ക്ക് 3,500 രൂപയുടെ കൂപ്പൺ ഡിസ്‌കൗണ്ട് ആണ് ഒരുക്കിയിരിക്കുന്നത്. ഇതോടെ 8 ജിബി റാം + 128 ജിബി സ്റ്റോറേജ് ഓപ്ഷന് 51,499 രൂപയും, 12 ജിബി റാം + 256 ജിബി സ്റ്റോറേജ് മോഡലിന് 56,499 രൂപയുമായി വില കുറയും. മാത്രമല്ല എക്‌സ്‌ചേഞ്ച് ഓഫർ സഹിതവും വൺപ്ലസ് 8 പ്രോ വാങ്ങാം.

റെഡ്മി നോട്ട് 9 പ്രോ മാക്സിന് 2,000 രൂപയുടെ വിലക്കിഴിവാണ് ആമസോൺ ഫാബ് ഫോൺ ഫെസ്റ്റിൽ. ഇതോടെ 6 ജിബി റാം + 64 ജിബി സ്റ്റോറേജ് മോഡലിന് 14,999 രൂപയായും 6 ജിബി റാം + 128 ജിബി സ്റ്റോറേജ് ഓപ്ഷന് 17,499 രൂപയായും വില കുറയും. റെഡ്മി 9 പ്രൈമിന്റെയും വില കുറച്ചിട്ടുണ്ട്. 4 ജിബി റാം + 64 ജിബി സ്റ്റോറേജ് ഓപ്ഷന് 9,499 രൂപയാണ് ഓഫർ വില.