സ്വർണ്ണവിലയിൽ ഇടിവ് തുടരുന്നു. ഇന്ന് പവന് 120 രൂപ കുറഞ്ഞ് 27760 രൂപയിലാണ് വിൽപ്പന നടക്കുന്നത്. ഒരു ഗ്രാം സ്വർണത്തിന് 3470 രൂപയാണ് വില. സെപ്റ്റംബർ നാലിനാണ് എക്കാലത്തെയും ഉയർന്ന വിലയായ 29120 രൂപയിൽ സ്വർണ്ണ വില എത്തിയത്. എന്നാൽ അതിനു ശേഷം സ്വർണ്ണവില കുറയുകയാണ്. കഴിഞ്ഞ പത്ത് ദിവസത്തിനിടെ പവന് 1360 രൂപയാണ് കുറഞ്ഞത്. ആഗോളവിപണിലെ വില ഇടിവും രൂപയുടെ മൂല്യത്തിൽ നേരിയ വർധനവ് ഉണ്ടായതുമാണ് സ്വർണ്ണ വില കുറയാൻ കാരണം.