പൊതുമേഖലയിലെ പത്ത് ബാങ്കുകൾ ലയിപ്പിക്കാനുള്ള കേന്ദ്ര സർക്കാർ തീരുമാനത്തിനെതിരെ ബാങ്കിങ് മേഖലയിലെ നാല് യൂണിയനുകൾ ഈ മാസം 26, 27 തീയതികളിൽ പണി മുടക്കും. നവംബർ രണ്ടാം വാരം മുതൽ അനിശ്ചിതകാല സമരം നടത്തുമെന്നും  എ ഐ ബി ഒ സി ജനറൽ സെക്രട്ടറി അറിയിച്ചു. പ്രവൃത്തി ദിവസം അഞ്ചായി നിജപ്പെടുത്തുക, ശമ്പള പരിഷ്കരണം തുടങ്ങിയ ആവശ്യങ്ങളും യൂണിയൻ ഉന്നയിക്കുന്നുണ്ട്. ഓഗസ്റ്റ് 30 നാണ് പത്ത് പൊതുമേഖലാ ബാങ്കുകൾ ലയിപ്പിച്ച്‌ നാലെണ്ണമാക്കുമെന്നു കേന്ദ്ര സർക്കാർ പ്രഖ്യാപിച്ചത്.