ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന സ്മാർട്ട്ഫോൺ ബ്രാൻഡായി ഷിയോമിയെ പിന്തള്ളി സാംസങ് മാറിയതായി ടൈംസ് ഓഫ് ഇന്ത്യ റിപ്പോർട്ട് ചെയ്തു. രണ്ടു വർഷങ്ങൾക്ക് ശേഷമാണു സമാസങ് വീണ്ടും ഒന്നാമതാകുന്നത്. ട്രാക്കിംഗ് ഏജൻസി കൗണ്ടർപോയിന്റ് പുറത്തിറക്കിയ 2020 ലെ മൂന്നാം പാദ കണക്കുകളിൽ, സാംസങ് ഇന്ത്യൻ വിപണിയിൽ മൊത്തം 24 ശതമാനം വിഹിതമാണ് ശേഖരിച്ചത്. ഷിയോമി 23 ശതമാനവും.

ചൈനീസ് ഉൽപന്നങ്ങളും സ്മാർട്ട്ഫോണുകളും ബഹിഷ്‌കരിക്കാനുള്ള നിരന്തരമായ ആഹ്വാനങ്ങൾക്കിടയിലാണ് ഈ സംഭവവികാസങ്ങൾ വരുന്നത്. സാംസങ്ങിനായുള്ള ഓൺലൈൻ ബിസിനസ്സ് ശക്തമായി വളരുകയാണ്, മൊത്തത്തിലുള്ള സ്മാർട്ട്ഫോൺ വോള്യങ്ങളിലേക്ക് ഓൺലൈൻ വിൽപ്പനയുടെ സംഭാവന നേരത്തെ രേഖപ്പെടുത്തിയ 15 ശതമാനത്തിൽ നിന്ന് 30 ശതമാനമായി ഇരട്ടിയായിയെന്ന് സാംസങ്ങിന്റെ ഓൺലൈൻ വൈസ് പ്രസിഡന്റ് അസിം വാർസി പറഞ്ഞു.

ചൈനീസ് ഉൽപ്പന്നങ്ങളോടുള്ള ഉപഭോക്താക്കളുടെ നിഷേധാത്മക വികാരം അടുത്തിടെ പുറത്തിറങ്ങിയ ഫോണുകളുടെ വിൽപനയെ ബാധിച്ചേക്കാമെന്ന് കൗണ്ടർപോയിന്റ് പ്രസ്താവിച്ചു. എന്നാൽ പാൻഡെമിക് സമയത്ത് വ്യത്യസ്ത ഘടകങ്ങൾ മൂലമുണ്ടായ ഉൽപാദന തടസ്സങ്ങൾ കാരണം ഷവോമിയുടെ വിൽപന കുറയാൻ സാധ്യതയുണ്ടെന്നും ഏജൻസി വിലയിരുത്തി.