സംസ്ഥാനത്ത്​ സ്വര്‍ണ വില വീണ്ടും ഉയര്‍ന്ന് ഒക്ടോബറിലെ ഏറ്റവും ഉയർന്ന വിലയിലെത്തി. 280 രൂപ കൂടി പവന് 37,880 രൂപയായി. ഒരു ഗ്രാം സ്വര്‍ണത്തിന്റെ വില 35 രൂപ കൂടി 4735 രൂപയായി.

ആഗോള വിപണിയുടെ വില വര്‍ധനവാണ്​ ഇന്ത്യയിലും പ്രതിഫലിക്കുന്നത്​. ഡോളര്‍ ദുര്‍ബലമായതാണ്​ സ്വര്‍ണത്തിന്​ കരുത്തായത്​. ​പല രാജ്യങ്ങളിലും കോവിഡി​ന്റെ രണ്ടാം വ്യാപനമുണ്ടാവുമെന്ന ആശങ്ക ജനങ്ങളെ സ്വര്‍ണത്തില്‍ നിക്ഷേപിക്കാന്‍ പ്രേരിപ്പിക്കുന്നു. അടുത്തയാഴ്​ച യു.എസ്​ ​​പ്രസിഡന്‍റ്​ തെരഞ്ഞെടുപ്പ്​ നടക്കാനിരിക്കുന്നതും ജനങ്ങളില്‍ മഞ്ഞലോഹത്തോടുള്ള താല്‍പര്യം വര്‍ധിപ്പിച്ചിട്ടുണ്ട്​.