കേന്ദ്രമന്ത്രി നിര്‍മല സീതാരാമന്‍ വാഗ്ദാനം ചെയ്ത നഷ്ടപരിഹാര സെസിന്റെ വിഹിതം കേരളത്തിന് ലഭിച്ചു. തിങ്കളാഴ്ച്ച ചേര്‍ന്ന ജിഎസ്ടി കൗണ്‍സിലിലായിരുന്നു ഇക്കാര്യം തീരുമാനിച്ചിരുന്നത്. തിങ്കളാഴ്ച രാത്രി തന്നെ കേരളത്തിന്‌റെ ഖജനാവിലേക്ക് വാഗ്ദാനം ചെയ്ത 915 കോടി എത്തി. ജിഎസ്ടി നഷ്ടപരിഹാര ഫണ്ടിലേക്ക് ഈ വര്‍ഷം സമാഹരിച്ച തുകയില്‍ കേരളത്തിന്റെ വിഹിതമാണ് 915 കോടി . സംസ്ഥാനാന്തര വ്യാപാര ഇടപാടിലൂടെ (ഐജിഎസ്ടി) കേരളത്തിനു ലഭിക്കേണ്ട 832 കോടി അടുത്തയാഴ്ച കിട്ടാനാണ് സാധ്യത.

എന്നാല്‍, ഏപ്രില്‍ മുതല്‍ ജൂലൈ വരെ 7077 കോടി രൂപയാണ് നഷ്ടപരിഹാരമായി കേന്ദ്രത്തില്‍ നിന്നു ലഭിക്കേണ്ടത്. ഇതു ലഭിക്കാത്തത് കാരണം കടുത്ത പ്രതിസന്ധിയിലാണ് സര്‍ക്കാര്‍. ഈ മാസം 12നു ചേരുന്ന ജിഎസ്ടി കൗണ്‍സില്‍ യോഗത്തില്‍ ഇതുസംബന്ധിച്ച് തീരുമാനമുണ്ടാകുമെന്ന കേരളത്തിന്‌റെ പ്രതീക്ഷ.