റിയല്‍‌മി 6, റിയല്‍‌മി 6ഐ സ്മാര്‍ട്ട്ഫോണുകളുടെ വില കുറച്ചതായി റിയല്‍മി ഇന്ത്യ അറിയിച്ചു. രാജ്യത്ത് വിപണിയിലെത്തി ഒരു മാസത്തിന് ശേഷമാണ് റിയല്‍മെ 6ഐ സ്മാര്‍ട്ട്ഫോണിന്റെ വില കുറയ്ക്കുന്നത് എന്നതാണ് ശ്രദ്ധേയം.

ഈ സ്മാര്‍ട്ട്ഫോണ്‍ ജൂലൈയിലാണ് അവതരിപ്പിച്ചത്. ഡിവൈസിന്റെ 4 ജിബി റാം + 64 ജിബി സ്റ്റോറേജ് വേരിയന്റിന് 12,999 രൂപയും 6 ജിബി റാം + 64 ജിബി സ്റ്റോറേജ് മോഡലിന് 14,999 രൂപയുമായിരുന്നു ലോഞ്ച് ചെയ്യുമ്ബോള്‍ ഉണ്ടായിരുന്ന വില.

റിയല്‍മി 6ഐ സ്മാര്‍ട്ട്ഫോണിന്റെ 6 ജിബി റാം + 64 ജിബി സ്റ്റോറേജ് മോഡലിനാണ് വില കുറച്ചിരിക്കുന്നത്. ഈ വേരിയന്റ് ഇപ്പോള്‍ 13,999 രൂപയ്ക്ക് സ്വന്തമാക്കാം. ഡിവൈസിന്റെ 4 ജിബി റാമുള്ള വേരിയന്റിന്റെ വിലയില്‍ മാറ്റമൊന്നും വരുത്തിയിട്ടില്ല.

4 ജിബി റാം + 64 ജിബി സ്റ്റോറേജ് വേരിയന്റിന് ലോഞ്ച് ചെയ്യുമ്ബോള്‍ ഉണ്ടായിരുന്ന വിലയായ 12,999 രൂപ തന്നെയാണ് ഇപ്പോഴും വില. 6 ജിബി റാം ഉള്ള മോഡലിന് 1000 രൂപയാണ് കുറഞ്ഞിരിക്കുന്നത്.