സംസ്ഥാനത്ത് സ്വർണത്തിന് ഇന്ന് പവന് 320 രൂപ കുറഞ്ഞു. 28560 രൂപയാണ് ഒരു പവൻ സ്വർണ്ണത്തിന്റെ ഇന്നത്തെ വിപണി വില. ഒരു ഗ്രാം സ്വർണ്ണത്തിന് 3570 രൂപയാണ് വില. ആഗോള വിപണിയിലെ വിലയിടിവിനെ തുടർന്നാണ് ആഭ്യന്തര വിപണിയിലും വില കുറയാൻ കാരണം. ഇന്നലെ 28880 എന്ന സർവകാല റെക്കോർഡ് നിരക്കിലാണ് സ്വർണ്ണ വ്യാപാരം നടന്നത്. കഴിഞ്ഞ ബജറ്റിൽ സ്വർണ്ണത്തിന്റെ ഇറക്കുമതി തീരുവ 2 .5 ശതമാനം ഉയർത്തി 12 .5 ശതമാനമാക്കിയിരുന്നു.തുടർന്നാണ് സ്വർണ്ണവില കുത്തനെ ഉയർന്നത്. സ്വർണ്ണവില ഇനിയും ഉയരാനാണ്‌ സാധ്യതെയന്നാണ്‌ വിപണി വൃത്തങ്ങൾ നൽകുന്ന സൂചന.