2019 ഏപ്രിൽ മുതൽ ജൂൺ വരെയുള്ള കണക്കുകൾ പ്രകാരം വരുമാനത്തിൽ ജിയോ ഒന്നാമത്.ഇത് ആദ്യമായാണ് ഒരു കമ്പനി ഇത്രയും ചെറിയ കാലയളവിനുള്ളിൽ ഞെട്ടിക്കുന്ന നേട്ടം കൈവരിക്കുന്നത്. മൂന്ന് വർഷം മുമ്പാണ് രാജ്യത്തെ മുൻനിര ടെലികോം ബ്രാൻഡ് ആയി മാറിയ ജിയോ ലോഞ്ച് ചെയ്യപ്പെടുന്നത്. അതിശയകരമായ ഓഫറുകൾ നൽകി കമ്പനി രാജ്യത്ത് ചുവടുറപ്പിക്കുകയായിരുന്നു. വൊഡാഫോൺ - ഐഡിയയെ പിന്തള്ളിയാണ് ജിയോ ഈ സ്വപ്നതുല്യമായ നേട്ടം കൈവരിച്ചത്. ജിയോയെ നേരിടാൻ വൊഡാഫോൺ ഇന്ത്യയും ഐഡിയ സെല്ലുലാറും ലയിപ്പിച്ചിട്ടും കാര്യമായ നേട്ടം ഉണ്ടാക്കാൻ കഴിഞ്ഞിരുന്നില്ല. 10900 കോടി രൂപയാണ് ജിയോയുടെ വിപണി വരുമാന വിഹിതം.