വാഹന പിപണിയിൽ തുടരുന്ന പ്രതിസന്ധികളെ തുടർന്ന് തങ്ങളുടെ 3000 താൽക്കാലിക ജീവനക്കാരെ പിരിച്ചുവിടാനൊരുങ്ങി മാരുതി സുസുക്കി കമ്പനി. വിപണി ആവശ്യകതയിൽ ഉണ്ടായ വലിയ കുറവാണ് കമ്പനിയെ കടുത്ത തീരുമാനത്തിലേക്ക് തള്ളി വിട്ടതെന്ന് മാരുതി സുസുക്കി ഇന്ത്യ ലിമിറ്റഡ് ചെയർമാൻ ആർ സി ഭാർഗവ വ്യക്തമാക്കി.ഉയർന്ന നികുതിയും പരിഷ്‌ക്കരിച്ച സുരക്ഷാ മാനദണ്ഡങ്ങളും കാറുകളുടെ വിലയിൽ കാര്യമായി സ്വാധീനിച്ചെന്നും വിലക്കയറ്റം വിൽപ്പനയെ ബാധിക്കുന്നുവെന്നും അദ്ദേഹം കൂട്ടിച്ചേർത്തു. സി എൻ ജി വാഹനങ്ങളുടെ ഉൽപ്പാദനം ഈ വർഷം 50 ശതമാനമായി ഉയർത്തുമെന്നും ഭാർഗവ വ്യക്തമാക്കി