കേന്ദ്ര കമ്മിറ്റി അംഗങ്ങളുടെ പ്രായപരിധി 80ൽ നിന്ന് 75 വയസായി കുറയ്ക്കാൻ സിപിഎം തീരുമാനിച്ചു കഴിഞ്ഞു. കഴിഞ്ഞ ദിവസം ചേർന്ന കേന്ദ്ര കമ്മിറ്റി യോഗത്തിലാണ് തീരുമാനമുണ്ടായത്. അടുത്ത ഏപ്രിലിൽ കണ്ണൂരിൽ നടക്കുന്ന 23ാം പാർട്ടി കോൺഗ്രസിൽ 75 വയസ് പ്രായപരിധി നിശ്ചയിച്ചായിരിക്കും പുതിയ കേന്ദ്ര കമ്മിറ്റിയെ തെരഞ്ഞെടുക്കുകയെന്ന് സിപിഎം ജനറൽ സെക്രട്ടറി സീതാറാം യച്ചൂരി വ്യക്തമാക്കുകയും ചെയ്തു . അതോടെ കേരളത്തിലെ കൊച്ചുസഖാക്കൾ പതുക്കെ ചോദിച്ചുതുടങ്ങി സഖാവേ.... അപ്പോൾ എങ്ങനെയാണു കാര്യങ്ങൾ എന്ന്!

ഇതുപ്രകാരം മുഖ്യമന്ത്രി പിണറായി വിജയനേയും പാർട്ടി ഘടകങ്ങളിൽ നിന്ന് ഒഴിവാക്കേണ്ടിവരുമെന്നിരിക്കെ അദ്ദേഹത്തിന് മാത്രം ഇളവു നൽകിയിരിക്കുകയാണ് പാർട്ടി.  പ്രായമായവർ  സ്ഥാനമാനങ്ങളിൽ കടിച്ചുതൂങ്ങി കിടക്കുന്ന സ്ഥിതിവിശേഷം അവസാനിപ്പിച്ച് കൂടുതൽ ചെറുപ്പക്കാർക്ക് അവസരം  നൽകുക എന്ന ലക്ഷ്യമാണ് പ്രായപരിധി കുറച്ചതിനു പിന്നിൽ.  തലമുറ മാറ്റം ലക്ഷ്യമിട്ടാണ് സിപിഎം സുപ്രധാന തീരുമാനമെടുത്തത്. കേന്ദ്ര കമ്മിറ്റി ഉൾപ്പെടെ പാർട്ടിയുടെ ഒരു സമിതിയിലേക്കും 75 വയസു കഴിഞ്ഞവരെ പരിഗണിക്കേണ്ടതില്ലെന്നാണ് തീരുമാനം.<