പുതിയ സിനിമകളുടെ ചിത്രീകരണം തുടങ്ങാന്‍ പ്രൊഡ്യൂസേഴ്സ് അസോസിയേഷന്‍റെ അനുമതി. കൊവിഡ് പ്രോട്ടോക്കാള്‍ പാലിച്ചാകും ഷൂട്ടിംഗ്. നിലവില്‍ ചിത്രീകരണം നടക്കുന്ന സിനിമകളുടെ റിലീസിന് ശേഷമായിരിക്കും ഈ ചിത്രങ്ങള്‍ തിയ്യേറ്ററുകളിലെത്തുക. പുതിയ സിനിമകള്‍ തല്‍ക്കാലം വേണ്ടെന്നായിരുന്നു പ്രൊഡ്യൂസേഴ്സ് അസോസിയേഷന്‍റെ ആദ്യ തീരുമാനം. പ്രതിഫല വിഷയത്തില്‍ സഹകരിക്കാമെന്നറിയിച്ചുള്ള അമ്മ, ഫെഫ്ക സംഘടനകളുടെ കത്ത് ചര്‍ച്ച ചെയ്തതായും പ്രൊഡ്യൂസേഴ്സ് അസോസിയേഷന്‍ നേതൃത്വം അറിയിച്ചു.