ലോകത്തിന്റെ  ശ്വാസകോശം എന്നറിയപ്പെടുന്ന ആമസോൺ വനത്തിലെ തീയണക്കാൻ ഹോളിവുഡ് താരം ഡികാപ്രിയോയുടെ 35 കോടി രൂപ സഹായം.താരത്തിന്റെ നേതൃത്വത്തിലുള്ള എർത്ത് അയലൻസ് എന്ന സംഘടനയാണ്‌ സാമ്പത്തിക സഹായം നൽകുക. ആമസോൺ കാടുകളിലെ തീയണക്കാൻ ശ്രമിക്കുന്ന അഞ്ച് പ്രാദേശിക സംഘടനകൾക്കാണ് ധന സഹായം നൽകുന്നത്. 72000 തീപിടിത്തങ്ങൾ ആമസോണിൽ ഈ വർഷം മാത്രം ഉണ്ടായതായാണ് റിപ്പോർട്ടുകൾ സൂചിപ്പിക്കുന്നത്.ആമസോൺ കാടുകളിലെ തീപിടിത്തത്തെ കുറിച്ച് ഡികാപ്രിയോ നേരത്തെ പ്രതികരിച്ചിരുന്നു.സാധാരണ ഗതിയിൽ തണുത്തതും ഈർപ്പമുള്ളതുമായ കാലാവസ്ഥയാണ് ആമസോണിലുള്ളത്, എന്നാൽ തന്നെയും ജൂലൈ , ഓഗസ്റ്റ് മാസങ്ങളിൽ കാട് വരളുന്നതും കാട്ടുതീ ഉണ്ടാകുന്നതും സാധാരണയാണ്. പക്ഷെ വ്യാപകമായ കാട്ടു തീയ്ക്ക് കാരണം മനുഷ്യന്റെ ഇടപെടലുകളാണ് എന്നാണ് പുറത്തു വരുന്ന റിപ്പോർട്ടുകൾ പറയുന്നത്.