ബ്ലെസിയുടെ ആടുജീവിതം സിനിമയുടെ ചിത്രീകരണം പുനരാരംഭിച്ചു. കോവിഡ് പ്രതിരോധ പ്രവർത്തനങ്ങളുടെ ഭാഗമായി ജോർദാൻ സർക്കാർ ഏർപ്പെടുത്തിയ കർഫ്യൂവിനെത്തുടർന്ന് ഷൂട്ടിംഗ് മുടങ്ങികിടന്നിരുന്നു. രാജ്യത്തെ കോവിഡ് വ്യാപനത്തിൽ കുറവ് രേഖപ്പെടുത്തിയതിനാൽ സംഘത്തിന് അതേ  ലൊക്കേഷനിൽ തന്നെ ഷൂട്ടിങ് തുടരാൻ സർക്കാർ അനുമതി നൽകിയതായാണ് റിപ്പോർട്ട് . റിപ്പോർട്ടുകൾ ശരിയാണെങ്കിൽ ജോർദാൻ ഷെഡ്യൂൾ പൂർത്തിയായ ശേഷം മാത്രമാകും സംഘം ഇന്ത്യയിലേക്ക് മടങ്ങുന്നത് . ഇക്കാര്യത്തിൽ ഔദ്യോഗിക സ്ഥിരീകരണം ഉടൻ ഉണ്ടാകുമെന്നാണ് പ്രതീക്ഷ. ചിത്രത്തിൻറെ ആദ്യ രണ്ട് ഷെഡ്യൂളുകൾ കേരളത്തിലും ജോർദാനിലുമായി പൂർത്തിയായി . കേന്ദ്രകഥാപാത്രമായ നജീബായി മാറാൻ 30 കിലോ ഭാരം കുറച്ച് മികച്ച മുന്നൊരുക്കമാണ് പൃഥ്വിരാജ് നടത്തിയത് . രണ്ട് ദശാബ്ദങ്ങൾക്ക് ശേഷം എ.ആർ. റഹ്മാൻ മലയാളത്തിൽ സംഗീത സംവിധായകനായെത്തുന്നുവന്ന 

പ്രത്യേകതയും ചിത്രത്തിനുണ്ട് .  .