മഹാരാഷ്ട്രയിലെ ആരോഗ്യ പ്രവര്‍ത്തകര്‍ക്ക് 25,000 പിപിഇ കിറ്റുകള്‍ വിതരണം ചെയ്ത് ബോളിവുഡ് നടന്‍ ഷാറൂഖ് ഖാന്‍.ഈ സഹായത്തിന്  മഹാരാഷ്ട്ര സര്‍ക്കാര്‍ താരത്തിനോട് നന്ദി പറഞ്ഞ് ട്വിറ്ററില്‍ പോസ്റ്റും ഇട്ടിരുന്നു. ഇതിനു പുറമെ 4-സ്റ്റോറി എന്ന താരത്തിന്റെ നാല് നിലയിലുള്ള ഓഫീസ് ക്വാറന്‍റൈന്‍ സെന്‍ററുകളായി വിട്ടുനല്‍കിക്കൊണ്ടുള്ള പ്രവര്‍ത്തനത്തിന് ഷാറൂഖ് ഖാനെയും ഭാര്യ ഗൌരി ഖാനെയും മുംബൈ മുനിസിപ്പല്‍ കോര്‍പറേഷന്‍ അഭിനന്ദിച്ചിരുന്നു. 

ഇത് കൂടാതെ, പശ്ചിമ ബംഗാള്‍, മഹാരാഷ്ട്ര എന്നിവിടങ്ങളിലെ മുഖ്യമന്ത്രിമാരുടെ ദുരിതാശ്വാസ നിധികളിലേക്ക് കൊല്‍ക്കത്ത നൈറ്റ് റൈഡേഴ്സിന്റെയും ഉടമയായ ഷാറൂഖ് സഹായം നല്‍കിയിരുന്നു. അതിനോടൊപ്പം നിരവധി പ്രവര്‍ത്തനങ്ങളിലും അദ്ദേഹം ഭാഗമായി.