നടന്‍ ഇന്ദ്രന്‍സ് കേരള ചലച്ചിത്ര അക്കാദമിയുടെ ജനറല്‍ കൗണ്‍സിലിൽ നിന്ന് രാജിവെച്ചു. ജനറൽ കൗൺസിലിലേക്ക് നാമ നിർദ്ദേശം ചെയ്യപ്പെട്ട് ദിവസങ്ങൾക്കകമാണ് ഇന്ദ്രൻസിന്റെ രാജി. ഇക്കഴിഞ്ഞ ബുധനാഴ്ച്ചയാണ് ഇന്ദ്രന്‍സിനെ ചലച്ചിത്ര അക്കാദമി ജനറല്‍ കൗണ്‍സിലിലേക്ക് തെരഞ്ഞെടുത്തത്. അദ്ദേഹം അഭിനയിച്ച സിനിമകള്‍ ചലച്ചിത്ര അക്കാദമി അവാര്‍ഡിന് പരിഗണിക്കുന്ന സാഹചര്യത്തിലാണ് തീരുമാനം. ഇന്ദ്രന്‍സ് ഉള്‍പ്പെടെ അഞ്ചു പേരെയാണ് ജനറല്‍ കൗണ്‍സില്‍ അംഗങ്ങളായി സര്‍ക്കാര്‍ തെരഞ്ഞെടുത്തത്. പ്രേം കുമാര്‍, അനില്‍ വി നാഗേന്ദ്രന്‍, ജോര്‍ജ് മാത്യു, ശങ്കര്‍ മോഹന്‍ എന്നിവരാണ് മറ്റുള്ള അംഗങ്ങള്‍.