ജെയിംസ് ബോണ്ട് സിനിമകളിലൂടെ 'ബോണ്ട് ഗേൾ' ആയി വന്ന് ആരാധക ഹൃദയം കവർന്ന പ്രശസ്ത നടിയും മോഡലുമായ ഓൾഗ കുരിലെങ്കോയ്ക്കും കൊറോണ സ്ഥിരീകരിച്ചു. താരം തന്നെയാണ് രോഗവിവരം ഒരു ഇൻസ്റ്റാഗ്രാം പോസ്റ്റിലൂടെ പരസ്യമാക്കിയത്. ഐസൊലേഷനിലായിരിക്കുന്ന സമയത്ത് ജനലിലൂടെ കാണുന്ന പുറം കാഴ്ചകളുടെ ചിത്രത്തോടൊപ്പമാണ് താരം തന്റെ രോഗവിവരവും പങ്കുവെച്ചത്. ഇത് വളരെ ഗൗരവകരമായ പ്രശ്നമാണെന്നും എല്ലാവരും ആരോഗ്യം സംരക്ഷിക്കണമെന്നും താരം പോസ്റ്റിൽ പറയുന്നു. പനിയാണ് തന്റെ പ്രധാന ലക്ഷണം എന്നാണ് താരം പറയുന്നത്. ടോം ഹാങ്ക്സിനും ഭാര്യയ്ക്കും ശേഷം മറ്റൊരു പ്രിയ സെലിബ്രിറ്റിയ്ക്ക് കൂടി മഹാമാരി സ്ഥിരീകരിച്ചതിന്റെ ഞെട്ടലിലാണ് സിനിമാ പ്രേമികൾ.