നമിത പ്രമോദ് പ്രധാന വേഷത്തിലെത്തുന്ന 'അല്‍ മല്ലു' എന്ന ചിത്രത്തിന്റെ ട്രെയിലര്‍ പുറത്തിറങ്ങി. ബോബന്‍ സാമുവല്‍ സംവിധാനം ചെയ്യുന്ന അല്‍ മല്ലു ഒരു ത്രില്ലര്‍ സിനിമയായിരിക്കും.സംവിധായകന്‍ പ്രിയദര്‍ശനാണ് സിനിമയുടെ ട്രെയിലര്‍ റിലീസ് ചെയ്തത്. ജനുവര്‍ 10നാണ് സിനിമയുടെ റിലീസ്. പ്രവാസിയായ ഒരു പെണ്‍കുട്ടിയുടെ ജീവിതത്തിലുണ്ടാവുന്ന പ്രശ്‌നങ്ങളും അവള്‍ നേരിടുന്ന മാനസിക പ്രയാസങ്ങളുമാണ് സിനിമയുടെ ഇതിവൃത്തം.ദുബായ്, അബുദാബി എന്നിവിടങ്ങളില്‍ ചിത്രീകരിച്ച ചിത്രം ഒരു നായിക കേന്ദ്രീകൃത സിനിമയാണ്. പുതുമുഖം ഫാരിസാണ് നായകന്‍. ജോസഫ് എന്ന ചിത്രത്തിലെ ഹിറ്റ് പാട്ടുകളൊരുക്കിയ രഞ്ജിന്‍ രാജാണ് സംഗീതം ഒരുക്കിയിരിക്കുന്നത്. മെഹ്ഫില്‍ പ്രൊഡക്ഷന്‍സിന്റെ ബാനറില്‍ സജില്‍ മജീദാണ് ചിത്രം നിര്‍മിക്കുന്നത്.