നടന്‍ ഷെയ്ന്‍ നിഗവും നിര്‍മാതാക്കളുമായുള്ള പ്രശ്നത്തില്‍ പ്രതികരണവുമായി ഗാനരചയിതാവും സംവിധായകനുമായ ശ്രീകുമാരന്‍  തമ്പി. നടനും നിര്‍മാതാവും തമ്മില്‍ സംഘട്ടനം ആവശ്യമില്ലെന്നും തിരിച്ചറിവാണ് വേണ്ടതെന്നുംഫേസ്ബുക് പോസ്റ്റിലൂടെഅദ്ദേഹം പറയുന്നു. സിനിമയില്‍ ഏറ്റവും ദു:ഖമനുഭവിക്കുന്ന വ്യക്തി നിര്‍മാതാവാണ്. ഒരു ചിത്രം ഓടിയാലും ഇല്ലെങ്കിലും നടന് പ്രതിഫലം കിട്ടും. എന്നാല്‍ ചിത്രം ഓടിയില്ലെങ്കില്‍ നഷ്ടം വരുന്നത് നിര്‍മാതാവിനു മാത്രമാണ്. ഈ സത്യം നടീനടന്മാര്‍ മനസ്സിലാക്കണം. താന്‍ സംവിധാനം ചെയ്ത 'എനിക്കും ഒരു ദിവസം' എന്ന ചിത്രത്തില്‍ മോഹന്‍ലാല്‍ അഭിനയിക്കുമ്പോൾ  22 വയസ്സാണ് പ്രായം. അങ്ങേയറ്റത്തെ അച്ചടക്കവും കൃത്യനിഷ്ഠയും അന്നും ലാല്‍ കാണിച്ചിരുന്നു.സ്വന്തം തെറ്റ് സ്വയം തിരിച്ചറിഞ്ഞു തിരുത്തുന്നവനാണ് ലക്ഷ്യബോധമുള്ള കലാകാരന്‍. പിതാവ് അബിയുടെ ആഗ്രഹം പോലെ ഷെയ്ന്‍ ഉയരങ്ങളിലെത്തട്ടെയെന്നും ശ്രീകുമാരന്‍  തമ്പി പറയുന്നു.