നയൻതാരയും സംവിധായകൻ വിഘ്നേഷ് ശിവനുമായുള്ള വിവാഹം ഉടൻ ഉണ്ടാകുമോ?​ ആരാധകർ നിരന്തരം ചോദിക്കുന്ന ചോദ്യമാണിത്. ദീർഘകാലത്തെ പ്രണയത്തിനുശേഷം ഇരുവരും വിവാ​ഹിതരാകാൻ പോകുന്നു എന്ന് വി​ഘ്നേഷ് ശിവന്റെ ഇൻസ്റ്റ​ഗ്രാം പോസ്റ്റ് സൂചിപ്പിക്കുന്നു. ഇപ്പോൾ പാരീസിലുള്ള ഞാൻ ജീവിതത്തിലെ ഒരു വലിയ കാര്യത്തിനായി ചെന്നൈയിൽ പോകുന്നു എന്നാണ് വിഘ്നേഷ് ശിവൻ പോസ്റ്റിൽ പറയുന്നത്. ആ വലിയ കാര്യമെന്നത് നയൻതാരയെ വിവാഹം കഴിക്കാനാണെന്നാണ് ആരാധകരുടെ നി​ഗമനം. ​

ചെന്നൈയിലേയ്ക്കുള്ള യാത്രയുടെ  വിമാനത്തിനകത്തുവച്ചുള്ള സെൽഫിയും വിഘ്നേഷ് ഇൻസ്റ്റ​ഗ്രാമിൽ പോസ്റ്റ് ചെയ്തിരുന്നു. വിജയ് സേതുപതി നായകനാകുന്ന പുതിയ ചിത്രത്തിന്റെ ലൊക്കേഷൻ കാണാനാണ് വിഘ്നേഷ് ശിവൻ പാരീസിൽ എത്തിയത്. 

ഉടനെ തന്നെ തന്റെ ജീവിതത്തിൽ ഒരു സുപ്രധാനസംഭവം നടക്കാൻ പോകുന്നു എന്ന് നയൻതാരയും ഇൻസ്റ്റ​ഗ്രാമിൽ കുറിച്ചിരുന്നു. ​​​വിഘ്നേഷ് ശിവന്റെയും നയൻതാരയുടെയും ഇൻസ്റ്റ​ഗ്രാം പോസ്റ്റുകൾ സൂചിപ്പിക്കുന്നത് വൈകാതെ ഇരുവരും വിവാഹിതരാകുമെന്നാണ്.വിഘ്നേഷ് ശിവന്റെ കരിയറിൽ  ബ്രേക്ക് നൽകിയ ചിത്രമായിരുന്നു ‘നാനും റൗഡി താൻ’. വിജയ് സേതുപതിയും നയൻതാരയുമായിരുന്നു ചിത്രത്തിലെ നായകനും നായികയും. വിഘ്നേഷിന്റെയും നയൻതാരയുടെയും പ്രണയത്തിന്റെ തുടക്കവും ഈ ചിത്രത്തിന്റെ ലൊക്കേഷനിൽ നിന്നായിരുന്നു.