തിയേറ്ററുകൾ തുറന്ന സാഹചര്യത്തിൽ പുതിയ സിനിമകൾ തിയേറ്ററിൽ തന്നെ റിലീസ് ചെയ്യണമെന്ന് മന്ത്രി സജി ചെറിയാൻ. ഒ.ടി.ടി. പ്ലാറ്റ്‌ഫോമുകൾ താത്കാലിക സംവിധാനം മാത്രമായിരുന്നു. കോവിഡ് പ്രതിസന്ധി കാലത്ത് ഉയർന്ന ആശയം മാത്രമായേ ഇത്തരം പ്ലാറ്റ്‌ഫോമുകളെ കാണാൻ കഴിയൂ.മോഹൻലാൽ നായകനായ മരയ്ക്കാർ ഉൾപ്പെടെയുള്ള ചിത്രങ്ങൾ തിയേറ്ററിൽ തന്നെ റിലീസ് ചെയ്യും. ഇല്ലെങ്കിൽ ഈ വ്യവസായം തന്നെ തകരുമെന്നും മന്ത്രി പറഞ്ഞു. തിയേറ്റർ ഉടമകളുടെ പ്രശ്‌നം ചർച്ച ചെയ്യാൻ മുഖ്യമന്ത്രിയുടെ അധ്യക്ഷതയിൽ ചൊവ്വാഴ്‌ച യോഗം ചേരും.