ആട് സീരീസിലെ പുതിയ ചിത്രം അടുത്ത വർഷം ജനുവരിയിൽ തിയറ്ററിൽ എത്തിക്കാനാകുമെന്ന് പ്രതിക്ഷിക്കുന്നതായി നിർമാതാവ് വിജയ് ബാബു. ആടിൻറെ സംവിധായകനായ മിഥുൻ മാനുവൽ തോമസിൻറെ സംവിധാനത്തിൽ അതിനു മുമ്പ് മറ്റൊരു ചിത്രം ഒരുക്കുമെന്നും അതിൻറെ തിരക്കഥ റെഡിയാണെന്നും വിജയ് ബാബു പറയുന്നു.

ത്രീഡിയിൽ ആണ് ആട് 3 എത്തുന്നത്. ആട് 1 ബോക്സ് ഓഫിസിൽ പരാജയം ആയിരുന്നെങ്കിലും പിന്നീട് സിഡിയിലൂടെയും ടിവിയിലൂടെയും പ്രേക്ഷക പ്രീതി നേടി. ആട് 2 വലിയ ബോക്സ് ഓഫിസ് വിജയമാകുകയും ചെയ്തു. ആട് 2 റിലീസിന് പിന്നാലെ തന്നെ അണിയറ പ്രവർത്തകർ ആട് 3 പ്രഖ്യാപിച്ചിരുന്നു. ജയസൂര്യ അവതരിപ്പിക്കുന്ന ഷാജിപാപ്പനെയും സംഘത്തെയും ചുറ്റിപ്പറ്റിയുള്ള വിവിധ സംഭവങ്ങളാണ് ആട് സീരീസിൽ പറയുന്നത്.