ബോളിവുഡ് താരം സോനു സൂദ് ആന്ധ്രാപ്രദേശിലെ നെല്ലൂരിലും കുർണൂലിലും ഓക്സിജൻ പ്ലാന്റുകൾ സ്ഥാപിക്കുന്നു. നെല്ലൂർ ജില്ല ആശുപത്രിയിലും കുർനൂൽ സർക്കാർ ആശുപത്രിയിലും ഓക്സിജൻ പ്ലാന്റ് സ്ഥാപിക്കുകയെന്ന് ട്വിറ്ററിലൂടെ അറിയിച്ചു. ഇനി രാജ്യത്തെ ഗ്രാമങ്ങളെ സംരക്ഷിക്കേണ്ട സമയമാണെന്നും അദ്ദേഹം ട്വീറ്റിലൂടെ വ്യക്തമാക്കി.

ജൂൺ മാസത്തിലാണ് പ്ലാന്റുകൾ സ്ഥാപിക്കുക. സോനൂ സൂദ് രാജ്യത്ത് സ്ഥാപിക്കാനൊരുങ്ങുന്ന ഓക്സിജൻ പ്ലാന്റുകളിൽ ആദ്യത്തേതാണ് ആന്ധ്രയിലേത്. ഇതിന് ശേഷം മറ്റ് സംസ്ഥാനങ്ങളിലും പ്ലാന്റുകൾ സ്ഥാപിക്കാൻ ഉദ്ദേശിക്കുന്നുവെന്ന് സോനു സൂദ് അറിയിച്ചു.