തെന്നിന്ത്യൻ താരം നയൻതാര കോവിഡ് പ്രതിരോധ വാക്‌സിൻ സ്വീകരിച്ചു. സംവിധായകനും നയൻതാരയുടെ സുഹൃത്തുമായ വിഘ്‌നേശ് ശിവനൊപ്പമാണ് താരം വാക്‌സിൻ സ്വീകരിക്കാൻ എത്തിയത്. ചെന്നൈയിലെ കുമരൻ ആശുപത്രിയിൽ നിന്നാണ് ഇരുവരും വാക്‌സിൻ സ്വീകരിച്ചത്. ഇതിന്റെ ചിത്രങ്ങൾ വിഘ്‌നേശ് സോഷ്യൽ മീഡിയയിൽ പങ്കുവച്ചിട്ടുണ്ട്.

‘ദയവായി എല്ലാവരും വാക്‌സിൻ എടുക്കമെന്നും ജാഗ്രതയോടെ കോവിഡിനെതിരെ പോരാടണ’മെന്നുമുള്ള കുറിപ്പോടെയാണ് വിഘ്‌നേശ് ശിവൻ ചിത്രങ്ങൾ പങ്കുവച്ചിരിക്കുന്നത്.രജനികാന്ത് നായകനാകുന്ന അണ്ണാത്തെയാണ് നയൻതാരയുടെ പുതിയ പ്രോജക്ട്. ഇതിന് പുറമേ വിഘ്‌നേശ് ശിവൻ ഒരുക്കുന്ന കാത്തു വാക്കുല രണ്ട് കാതലിലും നയൻസ് വേഷമിടുന്നുണ്ട്.