സാമ്പത്തിക തട്ടിപ്പ് കേസിൽ സംവിധായകൻ വി.എ. ശ്രീകുമാർ അറസ്റ്റിലായി. ശ്രീവത്സം ഗ്രൂപ്പിന്റെ ഒരുകോടി രൂപ തട്ടിയെടുത്തു എന്ന കേസിലാണ് അറസ്റ്റ്. ആലപ്പുഴ സൗത്ത്പൊലീസാണ് പാലക്കാട്ടെ വീട്ടിൽ നിന്നും ഇന്നലെ രാത്രി ശ്രീകുമാറിനെ അറസ്റ്റ് ചെയ്തത് .സിനിമാ നിർമാണത്തിനായി എട്ടുകോടി രൂപ ശ്രീകുമാർ കൈപറ്റിയിരുന്നു. എന്നാൽ സിനിമ പിന്നീട് നടന്നില്ല. തിരികെ നൽകാനുള്ള ഒരു കോടി രൂപ നൽകിയില്ലെന്നാണ് പരാതി.പൊലീസ് കേസെടുത്തപ്പോൾ ശ്രീകുമാർ മുൻകൂർ ജാമ്യാപേക്ഷയുമായി കോടതിയെ സമീപിക്കുകയായിരുന്നു. ജാമ്യാപേക്ഷ തള്ളിയതിന് പിന്നാലെയാണ് അറസ്റ്റ്.