സെയ്‌ഫ് അലി ഖാൻ നായകനാകുന്ന വമ്പൻ ബജറ്റ് ചിത്രം ലാൽ കപ് താന്റെ ട്രെയിലർ പുറത്ത് വന്നു. തീർത്തും ഏകാന്ത വാസം നയിക്കുന്ന അഘോരിയായാണ് താരം ചിത്രത്തിൽ പ്രത്യക്ഷപ്പെടുന്നത്. എൻ എച്ച് 10 എന്ന ചിത്രം ഒരുക്കിയ നവദീപ് സിങ്ങാണ് ചിത്രത്തിന്റെ സംവിധാനം നിർവഹിക്കുന്നത്.

രണ്ട് പാർട്ടുകളായാണ് സിനിമ തിയേറ്ററുകളിൽ എത്തുന്നത്. ലാൽ കപ് താൻ ദി ഹണ്ട് എന്നാണ് ആദ്യ ഭാഗത്തിന്റെ പേര്. നാഗ സന്യാസിയുടെ പ്രതികാര കഥയാണ് ചിത്രത്തിന്റെ പ്രമേയം. ഒക്ടോബർ 18 ന് സിനിമ തിയേറ്ററുകളിലെത്തും.