തമിഴകത്തിൻ്റെ സ്റ്റൈൽ മന്നൻ എഴുപതിന്റെ നിറവിൽ. ജീവിതത്തിൻ്റെ സപ്തതി നിറവിലെത്തി നിൽക്കുന്ന താരത്തിന് ആശംസകളുമായി ഒട്ടനവധി സിനിമാതാരങ്ങളാണ് രംഗത്തെത്തിയിട്ടുള്ളത്. തമിഴകത്തിൻ്റെ രാഷ്ട്രീയത്തിലേക്ക് രജിനി ചുവടുവെക്കുന്നു എന്ന പ്രത്യേകതയും ഈ പിറന്നാളിനുണ്ട്.  മോളിവുഡിലെ സെലിബ്രിറ്റികളെല്ലാം പിറന്നാളിന് മണിക്കൂറുകൾക്ക് മുൻപ് തന്നെ സിനിമാ ലോകത്തെ തന്നെ തലൈവർക്ക്  ആശംസകളുമായി എത്തിയിരുന്നു. 1975-ൽ കെ. ബാലചന്ദറിന്റെ അപൂർവരാഗങ്ങളിലൂടെ അരങ്ങേറ്റം. ഇന്ന് 400 കോടി മുടക്കി ഇന്ത്യൻ സിനിമയിലെതന്നെ ഏറ്റവും ചെലവേറിയ ചിത്രമായ 2.O യിൽ നായകനായി. പ്രധാനമന്ത്രി നരേന്ദ്രമോദിയും  രജനികാന്തിന് പിറന്നാൾ ആശംസകൾ നേർന്നിട്ടുണ്ട്.  ആയുരാരോഗ്യ സൗഖ്യത്തോടെ ജീവിതം നയിക്കാനാകട്ടെയെന്ന് പ്രധാനമന്ത്രി ആശംസിച്ചു.

Dear @rajinikanth Ji, wishing you a Happy Birthday! May you lead a long and healthy life.

— Narendra Modi (@narendramodi) December 12, 2020

പ്രിയതാരത്തിന് ആശംസകളറിയിച്ച് നിരവധി ആരാധകരാണ് ചെന്നൈയിലെ രജനികാന്തിന്റെ വീടിന് മുന്നിൽ തടിച്ചുകൂടിയത്.