ഫഹദ് ഫാസിൽ കേന്ദ്ര കഥാപാത്രമായെത്തുന്ന ചിത്രം ഇരുളിന്റെ ടൈറ്റിൽ പോസ്റ്റർ മമ്മൂട്ടി തന്റെ ഫേസ്ബുക്ക് പേജിലൂടെ പുറത്തുവിട്ടു. 'സീ യു സൂണി'ന് ശേഷം ഫഹദും ദർശനയും വീണ്ടും ഒന്നിച്ചെത്തുന്ന ചിത്രമാണ് 'ഇരുൾ'. ഫഹദിനും ദർശനയ്ക്കുമൊപ്പം സൗബിൻ ഷാഹിറും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.

നവാഗതനായ നസീഫ് യൂസഫ് ഇസുദ്ദീൻ ആണ് ചിത്രം സംവിധാനം ചെയ്യുന്നത്. ആന്റോ ജോസഫ് ഫിലിം കമ്ബനിയും പ്ലാൻ ജെ സ്റ്റുഡിയോയും ചേർന്നാണ് ചിത്രം നിർമ്മിക്കുന്നത്. കുട്ടിക്കാനമാണ് ചിത്രത്തിന്റെ പ്രധാന ലൊക്കേഷൻ. ജോമോൻ ടി ജോൺ ആണ് ചിത്രത്തിന്റെ ഛായാഗ്രാഹകൻ.