വിവാദങ്ങൾക്കിടെ അക്ഷയ് കുമാറിന്റെ 'ലക്ഷ്മി ബോംബ്' എന്ന ചിത്രത്തിന്റെ പേര് മാറ്റി. ഹൈന്ദവ ദേവിയെ അപമാനിക്കുന്നു, മതവികാരങ്ങൾ വ്രണപ്പെടുത്തുന്നു എന്ന ആരോപണത്തെ തുടർന്ന് സിനിമയുടെ പേര് മാറ്റണമെന്ന് ആവശ്യപ്പെട്ട് നിർമ്മാതാക്കൾക്കെതിരെയും ചിത്രത്തിനെതിരെയും ബഹിഷ്‌ക്കരണ ആഹ്വാനവുമായി കർണിസേന രംഗത്തെത്തിയിരുന്നു നടന്നിരുന്നു.

ഇതിന് പിന്നാലെയാണ് ലക്ഷ്മി ബോംബ് എന്ന പേര് മാറ്റി 'ലക്ഷ്മി' (Laxmi)എന്ന് പുതിയ പേര് സിനിമയ്ക്ക് നൽകിയിരിക്കുന്നത്. കിയാരാ അദ്വാനിയാണ് നായിക. രാഘവ ലോറൻസ് ഒരുക്കുന്ന സിനിമ നവംബർ 9ന് ആണ് ഡിസ്‌നിപ്ലസ് ഹോട്ട്‌സ്റ്റാറിൽ റിലീസ് ചെയ്യുന്നത്. അക്ഷയ് കുമാറിൻറെ കേപ് ഓഫ് ഗുഡ് ഫിലിംസ്, ഷബീന ഖാൻ, തുഷാർ കപൂർ, ഫോക്സ് സ്റ്റാർ സ്റ്റുഡിയോസ് എന്നിവർ ചേർന്നാണ് നിർമ്മാണം.