മഞ്ജുവാര്യർ പ്രധാന കഥാപാത്രത്തിൽ എത്തിയ ചിത്രം പ്രതി പൂവൻകോഴി അന്യഭാഷ റീമേക്കുകൾ വിറ്റുപോയി. തമിഴ്, തെലുങ്ക്,കന്നഡ, ഹിന്ദി ഭാഷകളിലെ റീമേക്ക് അവകാശമാണ് വിറ്റുപോയത്. ബോളിവുഡിലെ നിർമ്മാണക്കമ്പനിയായ ബോണി കപൂർ പ്രൊഡക്ഷൻസ് ആണ് റീമേക്ക് അവകാശം സ്വന്തമാക്കിയത്. ബോളിവുഡിലെ ഏറ്റവും വലിയ നിർമാണക്കമ്പനിയാണ് ബോണി കപൂർ പ്രൊഡക്ഷൻസ്.

റോഷൻ ആൻഡ്രൂസ് സംവിധാനം ചെയ്ത ചിത്രമായിരുന്നു പ്രതി പൂവൻ കോഴി. ഹൗ ഓൾഡ് ആർ യു എന്ന ചിത്രത്തിന് ശേഷം മഞ്ജു വാര്യരും റോഷൻ ആൻഡ്രൂസും വീണ്ടും ഒന്നിച്ചത് പ്രതി പൂവൻ കോഴിയിലൂടെയാണ്. മുന്നറിയിപ്പ്, ചാർലി എന്നീ ചിത്രങ്ങൾക്ക് ശേഷം ഉണ്ണി ആർ തിരക്കഥ എഴുതിയ ചിത്രം കൂടിയാണ് പ്രതി പൂവൻ കോഴി.