സുരാജ് വെഞ്ഞാറമൂടും സൗബിനും കേന്ദ്ര കഥാപാത്രങ്ങളായെത്തുന്ന ചിത്രം വികൃതിയുടെ ടീസർ പുറത്തിറങ്ങി. എം സി ജോസഫ് ആണ് ചിത്രത്തിന്റെ സംവിധായകൻ. ബാബു രാജ്, ഭഗത് മാനുവൽ, സുധി കോപ്പ, ഇർഷാദ്, ജാഫർ ഇടുക്കി, സുധീർ കരമന, മേഘനാഥൻ , മാമുക്കോയ, പുതുമുഖ നായിക വിൻസി, സുരഭി ലക്ഷ്മി, പൗളി വത്സൻ തുടങ്ങിയവരാണ് മറ്റു പ്രധാന വേഷങ്ങളിലെത്തുന്നത്.

കട്ട് 2 ക്രിയേറ്റ് പിക്‌ചേഴ്‌സിന്റെ ബാനറിൽ എ ഡി ശ്രീകുമാർ, ഗണേഷ് മേനോൻ, ലക്ഷ്മി വാര്യർ എന്നിവർ ചേർന്നാണ് സിനിമ നിർമ്മിക്കുന്നത്. അജീഷ് പി തോമസാണ് ചിത്രത്തിന്റെ തിരക്കഥ തയാറാക്കുന്നത്. സന്തോഷ് വർമ്മയുടെ വരികൾക്ക് ബിജിപാൽ സംഗീതം നല്കുന്നു.