മമ്മൂട്ടി ചിത്രം ഫയർമാന് ശേഷം ദീപു കരുണാകരൻ സംവിധാനം ചെയ്യുന്ന ചിത്രത്തിൽ പൃഥ്വിരാജ് നായകനാകും. റെയിൽവേ ഗാർഡ് എന്നാണ് ചിത്രത്തിന് പേര് നൽകിയിരിക്കുന്നത്. സിനിമയുടെ രചന നിർവഹിക്കുന്നത് ഉണ്ണി ആർ ആണ്. 'ആർക്കും അറിയാത്ത, എന്നാൽ ആരും പറയാത്ത ഹീറോയുടെ കഥ അതാണ് റെയിൽവേ ഗാർഡ്'. ചിത്രത്തിന്റെ പോസ്റ്റർ ഫെയ്‌സ്ബുക്കിൽ പങ്കു വെച്ച് കൊണ്ട് പൃഥ്വിരാജ് കുറിച്ചു. ചിത്രത്തിന്റെ താര നിർണ്ണയം പൂർത്തിയായിട്ടില്ല. കലാഭവൻ ഷാജോണിന്റെ ആദ്യ സംവിധാന സംരംഭം ബ്രദേഴ്‌സ് ഡേ ആണ് പൃഥ്വിരാജിന്‍റെ തിയേറ്റർ റിലീസ് കാത്തിരിക്കുന്ന ചിത്രം.