മമ്മൂട്ടിയെ നായകനാക്കി സംവിധാനം ചെയ്ത സൂപ്പർ ഹിറ്റ് ചിത്രം അബ്രഹാമിന്റെ സന്തതിക്ക്‌ ശേഷം ഷാജി പാടൂർ സംവിധാനം ചെയ്യുന്ന ഏറ്റവും പുതിയ ചിത്രത്തിൽ നമിത പ്രമോദ് നായികയാകും.നിർഭയ എന്നാണ് ചിത്രത്തിന് നൽകിയിരിക്കുന്ന പേര്. സ്‌മൃതി സിനിമാസിന്റെ ബാനറിൽ വിച്ചു ബാലമുരളിയാണ് ചിത്രത്തിന്റെ നിർമ്മാണം നിർവഹിക്കുന്നത്. പ്രവീൺ നാരായണൻ ആണ് സിനിമയുടെ കഥയും തിരക്കഥയും രചിക്കുന്നത്. നോ ആക്സിഡന്റ് ഈസ് ആക്‌സിഡന്റൽ എന്ന ടാഗ് ലൈനോടെ എത്തുന്ന ചിത്രം സർവൈവൽ ത്രില്ലർ ആയാണ് ഒരുങ്ങുന്നത്.