അനാർക്കലിക്ക് ശേഷം സച്ചി രചനയും സംവിധാനവും നിർവഹിക്കുന്ന ചിത്രം അയ്യപ്പനും കോശിയിലും പൃഥ്വിരാജും ബിജു മേനോനും പ്രധാന കഥാപാത്രങ്ങളെ അവതരിപ്പിക്കും.അട്ടപ്പാടിയിലെ പോലീസ് ഇൻസ്‌പെക്ടർ അയ്യപ്പനായി  ബിജു മേനോനും പട്ടാളത്തിലെ 16 വർഷത്തെ സേവനത്തിനു ശേഷം നാട്ടിൽ തിരിച്ചെത്തുന്ന ഹവീൽദാർ കോശി ആയി പൃഥ്വിരാജും ചിത്രത്തിൽ വേഷമിടും. സംവിധായകൻ രഞ്ജിത്തിന്റെ നിർമ്മാണ വിതരണ കമ്പനി ഗോൾഡ് കോയിൻ മോഷൻ പിക്ചേഴ്സ് ആണ് ചിത്രത്തിന്റെ നിർമ്മാണം നിർവഹിക്കുന്നത്. സംഗീതവും പശ്ചാത്തല സംഗീതവും നൽകുന്നത് ജേക്സ് ബിജോയ് ആണ്. സുദീപ് ഇളമൺ ആണ് ചിത്രത്തിനായി ക്യാമറ ചലിപ്പിക്കുന്നത്. പാലക്കാടും അട്ടപ്പാടിയിലുമായി സിനിമയുടെ ചിത്രീകരണം പൂർത്തിയാകും.